Li kantona Qamişlo salvegera damezirandina PKK'ê hate pîrozkirin

Şêniyên kantona Qamişlo salvegera 45'emîn a damezirandina PKK'ê ku 27`ê Mijdarê ye bi wesayîtan pîroz kir.

ROJANE

26 mijdar, 2023 20:41

QAMIŞLO

Meclisa Malbatên Şehîdan a Qamişlo bi boneya salvegera 45'emîn a damezirandina Partiya Karkerên Kurdistanê (PKK) meşeke li bajêr li dar xist.

Şêniyan bi erebeyan ji çerxeryêya şehîd Yûsif Gulo ber bi Navenda Çand û Hunerê ya Mihemed Şêxo ve bi rê ket. Li wir jî beşdaran govend gerandin.

Hêjayî bibîrxistinê ye ku sibe Meclisa Malbatên Şehîdan a Qamişlo bi heman boneyê şahiyeke mezin li Qada Azadî ya taxa Hilêliyê saet di 15:00'an de li dar dixe.

Li navçeya Tirbespiyê jî Yekitiya Jinên Ciwan û Tevgera Ciwanên Şoreşger ên Sûriyeyê çalakiyek li dar xist.

Şêniyên navçeyê bi erebeyan di nava kolanên navçeyê geriya û li ber Şaredariya Gel kom bûn û govend gerandin.

Di heman çarçoveyê de, Yekitiya Jinên Ciwan û Tevgera Ciwanên Şoreşger ên Sûriyeyê yên navçeya Dêrikê heman çalakî li dar xist.

Karwanê wesayîtan li nav kolanên geriya û berê xwe da Goristana Şehîd Xebat Dêrik û li wir mûm li ser gorên şehîdan vêxistin û li qada şehîd Bêrem a navçeyê govend hatin gerandin.

(mh)

ANHA