Li Hesekê ji bo bîranîna şehîd Nûreddîn Sofî şampiyoniya boksê hate lidarxistin

Li bajarê Hesekê yê Bakur û Rojhilatê Sûriyeyê şampiyoniya şehîd Nûreddîn Sofî ya boksê hate lidarxistin. Di dema çalakiyê de de koma muzîkê ya Artsaxê govend;n folklorî pêşkêş kirin.

ROJANE

29 tebax, 2025 22:45

HESEKÊ

Şampiyoniya Boksê ya Şehîd Nûreddîn Sofî, ku ji aliyê Meclisa Sporê ya Desteya Ciwan û Sporê ya Kantona Cizîrê li hola werzîşê ya li navenda bajarê Hesekê hate organîzekirin, dest pê kir.

Piştî deqeyek rêzgirtinê Ji rêveberên Federasyona SporêŞiyar Xanim axivî û diyar kir ku şampiyon ne tenê navek e, lê çîrok û bîranîna şehîd e, peyamek ku werzîş ne tenê ji bo madalyayan e, lê helwest, sebir û rûmetê e.

Di merasîma vekirinê de, zirxek pêşkêşî malbata şehîd Nûreddîn Sofî hat kirin û hejmarek saziyên sivîl û ewlehiyê yên ku beşdar bûn hatin xelatkirin.

9 tîmên ji bajarên cuda yên Bakur û Rojhilatê Sûriyeyê beşdarî şampyonê bûn. Di dawiya Şampiyonê de, lîstikvanên serketî li gorî kategoriyan hatin xelatkirin.

Di çalakiyê de Koma Artsaxê ya Ermenî goendên folklorî pêşkêş kir.

Hêjayî gotinê ye ku Navenda Ragihandinê ya Hêzên Parastina Gel (HPG) ragihand ku fermandar Nûreddîn Sofî di sala 2021’an de di serdana naveda HPG’ê de şehîd bû.

Cenazeyê şehîd Nûreddîn Sofî di 12’ê Tebaxê de bi merasîmeke mezin li bajarê Qamişlo hat veşartin.

(ac)

ANHA