Konfederaliya Rêxistinên Civaka Demokratîk piştgirî da xwepêşandanên li herêmên dagirkirî
Konfederaliya Rêxistinên Civaka Demokratîk piştgiriya xwe bi xwepêşandanên gel ên li herêmên dagirkirî re nîşan da.
![Konfederaliya Rêxistinên Civaka Demokratîk piştgirî da xwepêşandanên li herêmên dagirkirî](https://hawarnews.com/kr/uploads/images/202407/image_870x_6683ee8167387.jpg)
Konfederaliya Rêxistinên Civaka Demokratîk a Herêma Bakur û Rojhilatê Sûriyeyê daxuyaniyeke nivîskî li ser xwepêşandanên li herêmên Sûriyeyê yên ji aliyê dewleta Tirk û çeteyên wê ve hatine dagirkirin da.
Di daxuyaniyê de xwepêşandanên li herêmên dagirkirî yên li dijî siyasetên dewleta Tirk û çeteyên wê hatin silavkirin û hate gotin, ev xwepêşandan diyar dike ku gelê Sûriyeyê lîstokek di destê hikumeta Tirk de nin e.
Di daxuyaniyê de êrişên çete û dagirkeran ên li dijî xwepêşandêran hatin şermezarkirin û hate gotin: "Em piştgiriyê didin tevahî xwepêşandanên bi banga bidawîkirina dagirkeriya Tirk a li herêmên me yên dagirkirî, yekitiya gel û xaka Sûriyeyê, dîtina çareseriyê ji aloziyê re. Em nahêlin gelê Sûriyeyê bibe qurbanê siyasetên herêmî."
(bb)
ANHA