Jinên ciwan ên Dirbêsiyê ji bo azadiya Rêber Abdullah Ocalan meşiyan
Yekitiya Jinên Ciwan a Dirbêsiyê vê êvarê ji bo azadiya fîzîkî ya Rêber Abdullah Ocalan meşek meşaleyî li dar xist.
Di çarçoveya çalakiyên pêngava ′Ji Rêber Apo re azadî, ji pirsgirêka Kurd re çareseriya siyasî′ keç û xortên navçeya Dirbêsiyê ya kantona Hesekê vê êvarê ji bo şermezarkirina tecrîda li dijî Rêber Abdullah Ocalan û banga azadiya wî ya fîzîkî meşeke meşaleyî li dar xist.
Meş ji pêş Navenda Tevgera Ciwanên Şoreşger a Sûriyeyê ya li navçeyê ber bi têketina aliyê başûrê navçeyê dest pê kir.
Li têketina navçeyê li ser navê Yekitiya Jinên Ciwan endama rêveberiya yekitiyê Êlîza Hiso daxuyanî xwend.
Di daxuyaniyê de hate gotin pêngava ′Ji Abdullah Ocalan re azadî, ji pirsgirêka Kurd re çareseriya siyasî′ tevahî bendên li seranserî cîhanê derbas kirin, ev yek gaveke dîrokî ya ber bi azadiya Rêber Abdullah Ocalan ve ye.
Meş bi diruşmên silavkirina berxwedana Rêber Abdulllah Oalan û ′Jin, Jiyan, Azadî′ bi dawî bû.
(fr)
ANHA
