Hêzên Ewlekariya Hundirîn nasnameya şehîdekî aşkera kir

Navenda Ragihandinê ya Hêzên Ewlekariya Hundirîn ragihand ku ji endamên wan Şahêr El Sultan li Dêrazorê şehîd bûye.

26 sibat, 2024 14:54

NAVENDA NÛÇEYAN

Navenda Ragihandinê ya Hêzên Ewlekariya Hundirîn a Bakur û Rojhilatê Sûriyeyê bi daxuyaniyekê ragihand ku ji endamên hêzên şehîd Şahêr El Sultan 8`ê Sibatê li Dêrazorê şehîd bûye.

Di daxuyaniyê de ev agahî hatin parvekirin: "Endamê me Şahêr El Sultan roja şemiyê 8’ê Sibatê dema erka xwe li hember gel û axa xwe li kantona Dêrezorê bi cih tanî, hate hedefgirtin û di encamê de şehîd bû.

Şehîd Şahêr ji bo xizmeta welatê xwe tevlî refên hêzên me bû. Bi hemû hêz erkên xwe bi cih tanî û ji bo xatirê welatê xwe bi hemû şiyana xwe şer kir. Bi exlaqê xwe û bi ruhê xwe yê hevaltiyê bilind û bi hesta berpirsyariya xwe ya ji bo parastina çanda kevnar a welatê xwe dihat naskirin."

Agahiyên der barê nasnameya şehîd de wiha ne:

Nav û paşnav: Şahêr El Sultan

Navê Bav: Mihemed

Navê Dayikê: Fitêm

Cih û Dîroka Tevlêbûnê: Dêrazor 1/3/2018

Cih û Dîroka Şehadetê: Dêrazorê 08.02.2024

(şx)

ANHA