Di bîranîna 83 şehîdan de xelkê Til Birakê soza şopandina rêça wan da

Şêniyên bajarê Til Birakê yê kantona Cizîrê 83 şehîdên bajêr ên di dem û cihên cuda de şehîd bûne, bi bîr anîn û soza domandina rêya şehîdan dubare kir.

ROJANE

25 gulan, 2025 23:16

QAMIŞLO

Meclisa Malbatên Şehîdan a bajarê Til Birakê yê kantona Cizîrê bi merasîmekê 83 şehîdên Hêzên Sûriya Demokratîk (QSD), Yekîneyên Parastina Gel (YPG), Hêzên Xweparastinê û Hêzên Ewlekariya Hundirîn ên ku di mehên Çile, Sibat, Adar, Nîsan û Gulanê de, di salên cuda de şehîd bûne, bi bîr anîn. Merasîm li hola Navenda Çand û Hunerê ya bajêr hat lidarxistin.

Di merasîmê de malbatên şehîdan, endamên saziyên sivîl û leşkerî û partiyên siyasî yên bajêr amade bûn.

Di merasîmê de endamê Meclisa Malbatên Şehîdan a bajêr Şadî Ebas sersaxî da malbatên şehîdan û got ku fedakariya wan li pêş dijmin û dagirkeran bû bendavek xurt.

Ebas 83 şehîdên bajêr bi bîr anîn û soza şopandina rêya wan heta pêkanîna serkeftinê, dubare kir.

Fermandarê Meclisa Leşkerî ya Til Birakê Salar Mihemed jî sersaxî da malbatên şehîdan û soza domandina têkoşînê û şopandina rêya şehîdan dubare kir.

Endamê Meclisa Olî ya bajêr Nebîl El Hesen şehîd bi bîr anîn û got: "Ne ji şehîdên azadiyê bûya, em li vir nedibûn û ewlehî jî nedibû."

Merasîm bi siloganên "Bi can bi xwîn em bi te re ey şehîd" bi dawî bû.

(mh/fr)

ANHA