Dewleta Tirk berê 200 penaberên din da gundên Helebê

Dewleta Tirk a dagirker di 48 saetên dawîn de ji bo ku wan li gundewarên li bakurê Helebê bi cih bike, zêdetirî 200 penaberên sûriyeyî veguhastin.

1 mijdar, 2023 15:15

NAVENDA NÛÇEYAN

Li gorî nûçeya Navenda Çavdêriya Mafên Mirovan a Sûriyeyê (SOHR), dewleta Tirk a dagirker di 48 saetên dawîn de 215 penaberên Sûriyeyî bi darê zorê şandin deriyên li herêmên gundewarên bakurê Helebê. Li gorî agahiyan, zêdetirî 200 penaberên sûriyeyî bi 4 otobusan gihandine deriyê Bab Selamê.

Her wiha 13 sûriyeyî bo deriyê Cerablusê yê sînorî hatin veguhastin. Penaberên hatine veguhastin, mohrê tiliyan û ya çavan girtine da ku careke din venegerin Tirkiyeyê. Her wiha ew neçar kirine ku belgeyên vegera bi dilxwazî bo Sûriyeyê îmze bikin.

Dewleta Tirk a dagirker bi vê yekê hewl dide penaberên sûriyeyî li herêmên Sûriyeyê yên di bin dagirkeriya wê û çeteyan de bi cih bike.

SOHR`ê çend roj berê jî ragihandibû ku dewleta Tirk li herêma Înegol a bajarê Bursayê yê Tirkiyeyê 31 penaberên ji Sûriyeyê destgîr kirine, piştre ew birine ser sînor da ku wan bi dare zorê bişîne Sûriyeyê.

(c)