Bîlançoya qurbaniyên lehiyên li Vîetnamê derket 90 kesî

Li herêmên başûrê Vîetnamê ji destpêka Mijdarê ve barana gur dibare, bi wê re lehî çêbûn, cihên tûrîzmî û şûnwaran binav bûn.

Li kêlek wê jî di hefteya borî de ji ber baranê taxên li bajarê Nha Trang ê tûrîzmî bi nav bûn û li bajarê Da Lat ê tûrîzmî jî ax şimitî.

Li gorî datayên beşa Birêvebirina Bendavan, Kontrolkirina Lehî û Bahozan a girêdayî Wezareta Çandinî û Geşepêdana gundewarê Vîetnamê, ji ber leheniyên dijwar ên li herêmên berfireh di çend rojên borî de nêzî 90 kes mirin.

Desthilatên Vîetnamê bi bîr xist ku li herêma Da Lat a ku herî zirar lê bûye 63 rewşên mirinê hatin tomarkirin, lê amara din li van herêman Khana Hoa, Lam Dong, Gia Lai, Hue, Da Nang û Quang Tri belav in û hîna 12 kes jî winda ne.

Zêdetirî hezar û 154 mal ku piranî li Lam Dng, Gia Lai, Hue, Da Nang û Quang Tri ne zirar dîtin. Lê tevî kêmbûna baranê di van 2 rojên dawîn de, lê hîna li deverên berfireh ên Dak Lak, bi taybet li taxên Xuan, Dong, Hoa, Hoa Thinh û Hoa Mai di bin avê de man.

Li kêlek wê jî kehrebe qut, zirar li zêdetirî 1,2 milyon mal bû, hîna 257 hezar mal bê kehrebe ye, û ji ber qutbûna kehrebeyê peywendî û enternet li kêlek kehrebe ji xizmetê derketin.

Hikumeta Vîetnamê nirxand ku ji ber lehiyan nêzî 341,5 milyon dolar zirar çêbû.

(fr)