Ahenga ragihandina Xelatên Kedê yên Şehîd Mezlûm Bagok dest pê kir

Bi boneya Roja Rojnamegeriya Kurdî, Yekitiya Ragihandina Azad ahenga ragihandina Xelatên Kedê yên Şehîd Mezlûm Bagok li dar dixe.

Aheng li Navenda Mihemed Şêxo ya Çand û Hunerê ya Qamişlo tê lidarxistin.

Nûnerên sazî û dezgehên çapemeniyê, rojnamevan, malbata şehîd Mezlûm Bagok û nûnerên saziyên civakî û çandî tev li çalakiyê bûn.

Yekitiya Ragihandina Azad her sal Xelatên Kedê yên Şehîd Mezlûm Bagok dide rojnamevanên ku ji bo ragihandina rastiyê ked dane.

Merasîm bi pêşandana sînevizyoneke der barê rojnamegeriya Kurdî dest pê kir.

Li ser navê YRA`ê, endama desteya rêveber rojnamevan Ronak Şêxê, axivî û got: "Îro salvegera 128`an a Roja Rojnamegeriya Kurdî ye, ku derfetek e ku rêwîtiyek dirêj bi bîr bînin. Di wê demê de, rojnamegeriya Kurdî ya nû li sirgûnê dihat avakirin, bi dizî sînoran derbas dikir da ku bigihîje gelê Kurd. Ew rojname û kovarên destpêkê xewna nasname û azadiyê hildigirtin û têkoşînek dualî nîşan dida, têkoşîna ji bo hebûna siyasî û çandî, û têkoşîna ji bo mafê derbirînê."

Ronak destnîşan kir ku bi destpêkirina Şoreşa Rojava re, rojnamegeriya Kurdî ji înîsiyatîfên takekesî û ezmûnên sînordar derbasî xebata sazûmanî ya bêtir rêxistinkirî û domdar bû, pala xwe da mîrateya xwe ya têkoşînê da ku modelek medyayê ya profesyonel û pirrng biafirîne. Ev veguherîn, ligel rola wê ya berdewam di têkoşîna li dijî hewldanên veşartina û şaş nîşandana rastiyê de, dîmena medyayê dewlemend kiriye û gihîştina wê berfireh kiriye.

Ronak ev lê zêde kir, "Di her qonaxa vê rêwîtiyê de, bihayê azadiya derbirînê pir zêde bûye. Em bi rêzdarî şehîdên medyayê yên ku dema erkê xwe pêk dianîn, şehîd bûne bi bîr tînin. Ew ne tenê nûçegihan bûn, lê parêzvanên bîrdanka giştî bûn, dîrokek belge dikirin, ew dîroka ku gelek hêzan hewl dane winda bikin. "

Ahend hîn jî berdewam dike.

 (k)