Meclisa Girê Spî li dijî êrişan soza domandina têkoşînê da
Meclisa Kantona Girê Spî got, ew ê xizmetan pêşkêşî deverên ji ber êrişên dewleta Tirk a dagirker ziyan dîtine, bikin. Meclisa Girê Spî li dijî êrişan jî soza domandina têkoşînê da.
Hevserokê Meclisa Kantona Girê Spî Hemîd El Ebid êrişên dewleta Tirk li dijî herêmên Bakur û Rojhilatê Sûriyeyê şermezar kirin û got armanca dewleta Tirk a dagirker ji van êrişan binesazî û avahiyên xizmetguzariyê wêran bike, ewlehî û îstîqrara herêmê xirab bike.
El Ebid got, dê li dijî êrişên dagirkeriyê yên dewleta Tikr têkoşînê dewam bike, xizmetguzariyan pêşkêşî xelkê herêmê bike û avahiyên stratejîk ên ji ber êrişên dewleta Tirk a dagirker wêran bûne, sererast bike.
El Ebid rola Rûsyayê ya wekî çavdêrê agirbestê û parastina sivîlên li herêmên eniyên şer ên li beramberî dagirkeran rexne kir.
Hevserokê Meclisa Kantona Girê Spî Hemîd El Ebid bang li hêzên navneteweyî kir ku erkên xwe bi cîh bînin, sûcên dewleta Tirk a dagirker ên li dijî gelê Sûriyeyê û navendên xizmeteguzariyê bi dawî bikin.
(fr)
ANHA