Li 3 navçeyan merasîmên oxkirina şehîdan
Cenazeyên şehîd Ezîz Ebdo, Feyad El Hedmûl li Til Hemîs, cenazeyên şehîd Mihemed El Eswed, Yezen El Kiço, Ebdulezîz Osman û Mihemd Xalid li Til Koçerê hatin veşartin. Her wiha cenazeyên şehîd Mihemed El Wero û şehîd Ebdulwahid El Ehmed li Tirbespiyê hatin veşartin.
Endamên saziyên sivîl, meclis û gundan, Hêzên Ewlekariya Hundirîn, nûnerên partiyên siyasî, hêzên leşkerî û endamên Kongra Star, şêniyên navçeya Til Hemîsê ya kantona Qamişloyê cenazeyên endamên Hêzên Ewlekariya Hundirîn şehîd Ezîz Ebdo û Feyad El Hedmûl li goristana Şehîdan a navçeyê pêşwazî kirin û bi merasîmekê spartin axê.
Di merasîm de wêneyên 29 endamên Hêzên Ewlekariya Hundirîn hatin hildan ku ên ku 8′ê Cotmehê di êrişa hewayî ya dewleta Tirk a dagirker a li dijî Akademiya Têkoşîna Dijî Hişbir a li Dêrikê şehîd bûbûn.
Merasîmê şehîd Ezîz Ebdo li Goristana Şehîd Dijwar a li bajarê Hesekê û yê şehîd Feyad El Hedmol li Goristana Şehîd Delîl Saroxan a bajarê Qamişloyê hatin lidarxistin.
TI KOÇER
Ji bo şehîd Mihemed El Eswed, Yezen El Kiço, Ebdulezîz Osman û Mihemed Xalid merasîmekî navendî li Goristana Şehîd Xebat Dêrik hat lidarxistin û cenazeyên wan ber bi navçeya Til Koçerê ve hatin oxirkirin.
Li Til Koçerê cenazeyên her sê şehîdan bi dirûşmên dilsoziya bi şehîdan re hatin pêşwazîkrin û li Goristana Şehîd Igab El Eswed hatin veşartin.
TIRBESPIYÊ
Piştî bidawîbûna merasîmê navendê li Goristana Şehîd Xebat Dêrik û Goristana Şehîd Delîl Saroxan a li Qamişloyê, pêkhateyên navçeya Tirbespiyê cenazeyên şehîd Mihemed El Wero ê ji Tirbespiyê û Ebdulwahid El Ehmed ê ji navçeya Çilaxa pêşwazîkirin û li Goristana Şehîd Dilşêr a li gundê Dugurê yê navçeyê spart axê.
(bb)
ANHA
<iframe width="560" height="315" src="https://www.youtube.com/embed/FlVtcY7uTwY?si=eT9TStUdV2jkKXyU" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>
