Bendava Tişrin vediguhere zeviyek zuwa

Ji dîmenên ku ajansê me kişandin ve, rewşa çemê Firatê di geliyekî de ku firehiya wê 3 kîlomtre ne nîşan dide çawa ava çemê kêm bûye.

Dewleta Tirk a dagirker ji Çileya 2021`an ve lihevkirina sala 1987`an a di navbera wê û Sûriye û Iraqê de hatiye îmzekirin, bin pê dike û ava çemê Firatê bernade.

Para Sûriyeyê ji çemê di her saniyeyekê de 500 metrekab e. Para Iraqê jî ji sedî 60`ê para Sûriyeyê ye. Li gor çavdêran, dewleta Tirk a dagirker ji gelek salan ve, av kiriye çekek û li dijî herêmê bi kar tîne.

Kêmbûna avê li ser jiyana bi milyonan kes xetere ye û bandor li qadên çandiniyê û pîşeyî dike.

Ji ber ku çemê Firatê jêdera sereke ya ava vexwarinê ji bo Minbic, Kobanê, Reqa, Dêrazorê û Helebê, qutbûna wê li ser peydakirina ava vexwarinê, avdanê û tevahî xebatên têkildarî avê xetere ye.

Kêmbûna wê jî di aliyê dayîna kehrebeyê de bandor li kendavan dike. Her wiha ji ber kêmbûna avê, miqdarên mezin ên masiyan û zindiyan telef bûn.

Rêveberiya Bendavan demeke berê bang li hêzên navneteweyî û rêxistinên hiqûqî kiribû ku destwerdanê bikin û “kiryarên hovane û şantajên Tirkiyeyê” rawestînin.

Dirêjahiya çemê Firatê ji çavkaniya wê li Bakurê Kurdistanê û ta dawiya wê li Kendava Erebî 2 hezar û 800 kîlomtre ye. Dirêjahiya çemê di nav Sûriyeyê de 610 kîlomtre ye. Li kêlek beravên wî bi dehan bajar û bajarok hene. Ji Cerablusê li bakur ta Bû Kelamê li rojhilatê Sûriyeyê.

(şx)

ANHA