​​​​​​​`Ji bo tola DAIŞ`ê hilîne fermandar û rêveberên herêmê hedef digire`

Cîgirê Desteya Serokatiya Meclisa Sivîl a Reqayê Ebdulselam Hemsork ji ajansa me re got: “Piştî rizgarkirina herêmên Bakur û Rojhilatê Sûriyeyê ji DAIŞ`ê, dewleta Tirk a dagirker dest bi dagirkirina herêmên Sûriyeyê kir. Lê piştî berxwedana QSD`ê û têkbirina planên wê yên ji bo dagirkirina herêmên din, vê carê dest bi hedefgirtina fermandarên leşkerî û rêveberên saziyên sivîl ên herêmê kir.”

Hemsork wiha domand: “Xelkê herêmê, dê li hember êrişan bisekinin, herêmên xwe biparêzin. Heta rizgarkirina tevahî herêmên dagirkirî dê li ber xwe bidin.”

Koordînatora Kongra Star a Rêveberiya Xweser a Bakur û Rojhilatê Sûriyeyê Fêroz Xelîl jî got: “Tevî îdiayên hêzên navneteweyî, NY û rêxistinên mafên mirovan, lê li hember êrişên dewleta Tirk a dagirker ên li dijî herêmê û hedefgirtina rêveber û fermandarên li rex Koalîsyona Navneteweyî şerê DAIŞ`ê kirine, bêdeng in.”

TOLA DAIŞ`Ê HILÎNIN

Fêroz destnîşan kir ku dewleta Tirk a dagirker, ji hedefgirtina fermandar û pêşengên herêmê armanc dike ku tola DAIŞ`ê hilîne.

Rûspiyê êla El Sabxa Tirk El Sewan jî bang li NY û Koalîsyona Navneteweyî kir ku li hember dewleta Tirk a dagirker bisekinin, hedefgirtina fermandar û rêveberên herêmê bi rêya balafirên bêmirov rawestînin. Her wiha banga ferzkirina qedexeya qada hewayî jî li herêmê kir.

Di dawiyê de El Sewan got: “Em ê li hember êrişên li ser herêmê bibin yek. Parastina axa xwe bikin. Xebatên tunekirina DAIŞ`ê dê berdewam bikin.”

(şx)

ANHA