Li hember siyasetên dewleta Tirk li Tebqayê xwepêşandan

Tevgera Ciwanên Şoreşger a Sûriyeyê, Yekitiya Jinên Ciwan a Tebqayê, ji bo şermezarkirina tecrîda li ser Rêber Abdullah Ocalan, êrişên dewleta Tirk a dagirker ên li dijî herêmê xwepêşandanek li dar xist.

Bi sedan şêniyên bajêr, endamên saziyên sivîl, nûnerên partiyan û rûspiyên êlên herêmê tev li xwepêşandanê bûn.

Xwepêşandan ji taxa yekemîn dest pê kir û li ber Navenda YEkitiya Xwendekaran rawestî û veguherî mitingê.

Di mitingê de, endamê Rêveberiya Tevgera Ciwanên Şoreşger a Sûriyeyê şaxê Tebqayê Diya El Mihemed daxuyaniyek xwend.

Di daxuyaniyê de tecrîda li ser Rêber Abdullah Ocalan, sûcên dewleta Tirk a dagirker ên li dijî gelê Bakur û Rojhilatê Sûriyeyê û bawermendên projeya neteweya demokratîk, hat şermezarkirin.

Her wiha hat destnîşankirin ku, girankirina tecrîdê û zêdekirina êrişan li dijî herêmê bi armanca veşartina binkeftina di şerê li dijî Herêmên Parastinê yên Medyayê de ye.

Di dawiyê de hate gotin: “Em soz didin Rêber Abdullah Ocalan ku şopdarên rêya berxwedan û têkoşînê bin ta ku azadiya wî ya fîzîkî pêk were. Her wiha em careke din soz didin hêzên parastinê yên rewa ku gelê herêmê û hêzên parastinê, dê li hember êrişên dewleta Tirk a dagirker û kirîvê wê Erdogan di xendeqekê de li ber xwe bidin.”

(şx)

ANHA