Ciwanên Heleb piştgiriya berxwedana gerîla kir

Di çarçoveya rêzeçalakiyên şermezarkirina bikaranîna çekên kîmyewî ji hêla artêşa Tirk a dagirker ve di êrişên li dijî Herêmên Parastinê yên Medyayê de bi dehan ciwanên Helebê meş li dar xist.

Ciwan li pêş Navenda Tevgera Ciwanên Şoreşa a Sûriyeyê ya li beşa rojava ya taxa Şêxmeqsûdê kom bûn, wêneyên Rêber Abdullah Ocalan, alên tevgera ciwanan û wêneyên şehîdên gerîla hildan.

Ciwan li kolanên Şêxmeqsûdê geriyan û diruşmên silavkirina berxwedana gerîla û berxwedana Rêber Abdullah Ocalan berz kirin.

Ciwan li pêş Parka Efrîn a li taxa Eşrefiyê kom bûn, li wir endama Koordînasyona Yekitiya Jinên Ciwan a Bakur û Rojhilatê Sûriyeyê Hêva Bekir axivî û fedkariyên gerîla li çiyayên Kurdistanê pîroz kirin.

Hêva diyar kir ku dê mîna her care artêşa Tirk a dagirker di êrişên xwe yên li dijî gerîla de bi bin bikeve û dê berxwedana gerîla meşalaya nayê vemirandin bimîne.

Hêva di dawiyê de got di navbera êrişên dewleta Tirk a dagirker ên li dijî Herêmên Parastinê yên Medyayê û tecrîda li dijî Rêber Abdullah Ocalan de girêdaneke heye û got divê ji bo têkbirina van hemû planên dewleta Tirk a dagirker têkoşîn bê bilindkirin.

(fr)

ANHA