Ciwanên Efrîn û Şehbayê li dijî tecrîdê meşiyan

Çalakiyên li dijî tecrîda li ser Rêber Abdullah Ocalan û gefên li dijî wî zêde dibin. Di vê çarçoveyê de Tevgera Ciwanên Şoreşger a Sûriyeyê- Efrîn û Şehbayê meşek li dar xist.  Bi sedan endamên Tevgera Ciwanên Şoreşger a Sûriyeyê ji rêya di navbera navçeya Fafînê û kampa Berxwedan de heta kampê meşiyan. Di meşê de wêneyên Rêber Abdullah Ocalan, alên Tevgera Ciwanên Şoreşger û Yekitiya Jinên Ciwan hatin hildan û bê navber dirûşmên silavkirina berxwedana Rêveber Abdullah Ocalan û şermezarkirina tecrîdê hatin berzkirin.

Meş li kampa Berxwedan sekinî û deqeyeke rêz hat girtin. Piştre rêvebera Tevgera Ciwanên Şoreşger a Sûriyeyê- Şaxê kantona Efrîn û Şehbayê Zelal Ebdo axivî. Zelal  tecrîd û nameyên gefxwarinên yên ji bo Rêber Abdullah Ocalan û bêdengiya hêzên navneteweyî ya li hemberî gefên qetilkirina Rêber Abdullah Ocalan şermezar kirin.

Zelal Ebdo bang li aliyên têkildar kir ku li hemberî Rêber Abdulalh Ocalan erka xwe bi cih bînin û diyar kir ku rêbertî ji bo mirovahiyê û ji bo rizgarkirina gelên bindestê tê dikoşe.

Zelal Ebdo di dawiya axaftina xwe de got: "Em ciwanên şoreşger ên Rêber Abdullah Ocalan em ê çalakiyan bi rêxistin bikin û dakevin qadan heta azadiya fîzîkî ya Rêbertî mîsoger bikin."

(bb)

ANHA