Cenazeyên 11 penaberan radestî malbatên wan hatin kirin

Rêveberiya Xweser cenazeyên 11 penaberên ji Bakur û Rojhilatê Sûriyeyê ku di 5`ê Hezîranê de li beravên Cezaîrê noqî avê bûbûn, wergirtin û radestî malbatên wan kirin.

NÛÇE

7 tîrmeh, 2023 11:04

TEBQA

Rêveberiya Xweser a Bakur û Rojhilatê Sûriyeyê bi hevkariya Heyva Sor a Kurd cenazeyên 11 kesên ji Bakur û Rojhilatê Sûriyeyê ku li beravên Cezaîrê noqî ava bûbûn û xeniqîbûn, wergirtin.

Penaberên ku di 5`ê Hezîranê de noqî avê bûbûn, hewl dida xwe bigihînin Ewropayê.

Darîreya Têkiliyên Derve ya Rêveberiya Xweser û Heyva Sor a Kurd ji bo cenazeyan bigihînin malbatên wan, bi hikumetên Cezaîr, Lubnan û hikumeta Şamê re peywendî danîn.

Li gorî agahiyên ku hatine bidestxistin, ji kesên cezayên wan hatine wergirtin 8 ji Kobanê ne, 3 kesên din ji Qamişloyê ne.

Vê sibehê saet di 09:00′an de şandeyeke rêveberiyên xweser ên herêmên Firat û Cizîrê û Heyva Sor a Kurd tevî malbatên qurbaniyan ji bo wergirtina cenazeyan çûn dergehê li Tebqayê. Piştî wergirtina cenazeyan jî ber bi Qamişlo û Kobanê ve bi rê ketin ku dê cenazeyan li wir veşêrin.

(fr/c)

ANHA