Li Dêrazorê ji bo şermezarkirina êrişan, çalakiya konvedanê

Di çalakiyê de Hevserokê Komîteya Tenduristiyê ya rojhilatê Dêrazorê Meşel El Sultan axivî û behsa komploya li dijî Rêber Abdullah Ocalan kir û got: “komplogeran xwestin nakokiyên li Rojhilata Navîn berdewam bikin.”

Endama Desteya Serokatiya Meclisa Sivîl a Dêrazorê Şehnaz El Hefel axivî û got: “Bi çalakiya xwe em dengê xwe bilind dikin ji bo ku piştgiriya Rêber Abdullah Ocalan bikin û banga azadiya wî ya fîzîkî bikin. Ev rêberê bêhempa ku rêgezên neteweya demokratîk ji gelan re danîn.”

Şehnaz bang li tevahî rêxistinên mafên mirovan û hiqûqî kir ku zulma li ser Rêber Ocalan bi dawî bikin. Di heman demê de siyasetên mêtinger ên dewleta Tirk a dagirker û berdewamkirina siyaseta guhertina demografiya herêmên dagirkirî bi taybet li Efrînê şermezar kirin.

Serokê Partiya Sûriya Pêşerojê şaxê rojhilatê Dêrazorê Yehya El Elî axivî û wiha anî ziman: “Em êrişên dewleta Tirk a dagirker û hedefgirtina herêmê bi balafirên bêmirov şermezar dikin. Divê çareseriya li Sûriyeyê bi tevlêkirina tevahî pêkhateyan û misogerkirina mafên wan be.”

Çalakî dê sibe bi pêşwazîkirina şandeyên ji herêmên din ên rojhilatê Dêrazorê berdwam bike.

(şx)

ANHA