Şêniyên Minbicê sersaxî dan malbata şehîd Ebdulwehab El Hec Hemîdî

Şêniyên bajêr, endamên Rêveberiya Sivîl a Demokratîk a Minbicê, Meclisa Malbatên Şehîdan, partî, Tevgera Ciwanên Şoreşger, Yekitiya Jinên Ciwan û Meclisa Leşkerî ya Minbicê ji bo sersaxiyê bidin malbata şehîd Ebdulwehab El Hec Hemîdî li goristana şehîdan a gundê Xarûfiye yê başûrê Minbicê kom bûn.

Ji bin konê sersaxiyê ku Meclisa Malbatên Şehîdan vegirtiye, endamê Rêveberiya Nivîsgeha Malbatên Şervanan a Minbicê Mihemed Hemo Şoran axivî û bi navê Fermandariya  Giştî ya Meclisa Leşkerî ya Minbicê sersaxî da malbata şehîd.

Şoran soza şopandina rêya şehîdan da ta ku axa welêt rizgar dibe.

Dûre hevserokê Meclisa Rêveber Mihemed Elî El Ebo axivî û got: “Em dev ji ax û hevgirtina xwe bernadin. Ji ber wê dewleta Tirk a dagirker bi balafirên bêmirov ên biçek êriş xelkê dike.”

El Ebo soz da ku rêya şehîdan berdewam bike heta ku projeya demokratîk li herêmê pêk bînin ku avakirina civakeke exlaqî, tê de edalet û wekhevî belav e, armanca wê ye.

Piştre endamê Meclisa Malbatên Şehîdan Mehmûd Ebû Ebdo wesîqeya şehadeta şehîd xwend û radestî malbata wî kir. Di dawiya merasîmê de beşdaran, “Şehîd namirin” berz kirin.

(dm/şx)

ANHA