Di roja duyemîn a Mîhrîcana Amarayê de çalakiyên werzîşê

Di roja duyemîn a Mîhrîcana Amara ya huner, çand, wêje û werzîş de çalakiyên werzîşî li yarîgeha gundê Babinisê hatin lidarxistin.

ÇAND Û HUNER

2 nîsan, 2023 15:12

ŞEHBA

Bi dirûşma "Bi pêşxistina şoreşa çandî û fikrî werin cenga azadiyê" duh Mîhrîcana Amara ya huner, çand, wêje û werzîş li kampa Berxwedan a kantona Şehbayê dest pê kir.

Di roja duyemîn a mîhrîcanê de çalakiyên werzîşê hatin lidarxistin.

Çalakî bi deqeyeke rêzigirtinê dest pê kir. Destpêkê maça voleybol di navbera tîmên Malbatên Şehîdan û Ciwanên Efrînê de li dar ket. Malbatên şehîdan bi ser ket.

Di maça futbolê ya jinan de ya di navbera tîma Agir û tîma Amara de li dar ketiye, tîma Agirî bi 4-0 bi ser ket.

Her wiha du maçên futbolê hatin li darxistin. Maça yekem di navbera tîma Berxwedan û tîma ciwanên Efrîn de li dar ketiye, tîma Ciwanên Efrîn 1-0 bi ser ket.

Her wiha maçên fotbolê di navbera tîma ciwanên Fafînê û tîma ciwanên Ehrezê de li dar ket, tîma ciwanên Fafînê 1-0 bi ser ket.

Di dawiyê de tîma serketî bi xelatên sembolîk ku nivîsên dirûşma mîhrîcanê li ser in, hatin belavkirin.

(zş/bb)

ANHA