​​​​​​​Şehîd Raperîn Amed li Şehbayê hat bibîranîn

Ji bo bîranîna  ji Pêşengên Tevgera Azadiya Jin Delal Azîzoglû, endama Meclisa Serokatî ya Kongra Gel Delal Azîzoglû (Raperîn Amed) a 17’ê Hezîrana 2022’an li Herêmên Parastinê yên Medyayê şehîd bûye, merasîmê hat lidarxistin. Merasîma ji aliyê Meclisa Malbatên Şehîdan ve li qada sereka ya kampa Berxwdan a navçeya Fafînê ya Şehbayê hat lidarxistin. Bi sedan şêniyên Efrîn û Şehbayê beşdarî merasîmê bûm.

Di merasîmê de endama Meclisa Malbatên Şehîdan a Efrîn û Şehbayê Sureya Hebeş sersaxî ji gelê Kurdistanê re xwest û li ser têkoşîna şehîd Raperîn Amed a li hemberî êrişên dewleta Tirk a dagirker de got: "Dewleta Tirk a dagirker şehîd Raperîn kir hedef, ji ber dizane ku gelê berxwedêr ê Bakur û Rojhilatê Sûriyeyê, bi taybet ê li Şehbayê hêza xwe ji şehîd Raperîn digire. Şehîd Raperîn li hemberî planên dagirkeriyê yên dewleta Tirk bû sembola têkoşîn û berxwedanê."

Sureya Hebeş anî ziman ku ew şêniyên Efrîn û Şehbayê dê xeta şehîd Raperîn berdewam bikin heta armancên rizgarkirina Efrînê û vegera li warê xwe pêk bînin.

Di merasîmê de endama Rêveberiya Meclisa Kantonên Efrîn û Şehbayê Pelşîn Efrîn hevkariya PDKʹê ya bi dewleta Tirk a dagirker re şeremzar kir û wiha domand: "Yên ku destên wan di şehîdxistina Raperîn de hebin wê berdêlên giran bidin.  Em soz didin şehîd Raperîn ku em ê tola wê hilînin."

Merasîm bi dirûşmên dilsoziya bi şehîdan re bi dawî bû.

(bb)

ANHA