Çeteyên dewleta Tirk alîkariyên ji bo mexdûrên erdhejê didizin

Çeteyên dewleta Tirk a dagirker alîkariyên ku ji bo mexdûrên erdhejê ji navçeya Cindirêsê re têne şandin, didizin.

11 sibat, 2023 08:22

ŞEHBA

Li nvaçeya Cindirêsê ya Efrîna dagirkirî, tîma Parastina Sivîl a girêdayî dewleta Tirk a dagirker bi hinceta ku tu kes di bin kavilan de nemane, xebatên rizgarkirinê sekinandin û ragihand ku dest bi xebatên derxistina cenazeyan kiriye. Çavkaniyên di hundirê navçeyê de diyar kir ku hîna bi dehan malbat di binê kavilan de mane û çete nahêlin şênî nêzîkî wan bibin.

Li gorî daneyan, ji ber erdheja li Bakurê Kurdistanê û Tirkiyeyê rû da, navçeya Cindirêsê ji sedî 80 wêran bûye.

Çavkaniyên li navçeyê ji ANHAʹyê re diyar kir ku çeteyên dewleta Tirk avahiyên hilweşiyayî li hev parve dikin û tiştên di bin kavilan de didizin.

Duh (în) jî li Efrîn, Ezaz û Babê yên dagirkirî komên çete li ser parvekirina alîkariyên ku ji mexdûrên erdhejê yên Cindirêsê re têne şandin, bi hev ketin.

Dewleta Tirk a dagirker nahêle alîkarî derbasî herêmên dagirkirî bibe ku erdhejê bandor lê kiriye.

(bb)

ANHA