Li Şêxmeqûsd û Eşrefiyê avahiyên qelişî

Di encama erdhejê de li taxên Şêxmeqsûd û Eşrefiye yên Helebê gelek avahî qelişîn û êdî ji bo jiyanê ne guncaw in.

NÛÇE

11 sibat, 2023 04:29

HELEB-MIHEMED EBDO

Li gorî nexweşxaneya Şehîd Xaxlid Fecir, di encama erdhejê de li rex ku avahî qelişîn, 6 kesan jiyana xwe ji dest dan û 52 kes jî birîndar bûn.

Ji dîmen û wêneyan xuya dibe ku gelek avahî qelişîne û xwar bûne, êdî tê de jiyan ne gengaze û dikin hilweşin.

Komînên taxên Şêxmeqsûd û Eşrefiye niştecih ji avahiyên bi zerar derxistin û li navendên hewandinê, qadên giştî û parkan ji aliyê Meclisa Giştî û Yekîneyên Parastina Gel (YPG û YPJ) ve hatine diyarkirin, bi cih kirin.

Her wiha Komîteyên Endazyariyê yên Şaredariya Gel li ser avahiyan digerin û keşf dikin û avahiyên ber bi hilweşînê ve, ji niştecihan vala dikin.

Meclisa Kantonên Efrîn û Şehbayê jî demeke berê ragihandibû ku amade ye kesên ji ber erdhejê zirar dîtine pêşwazî bike. Li ser wê esasê 2 hezar û 500 malbat ji taxên Şêxmeqsûd û Eşrefiye berê xwe dan Şehbayê.

Tê bibîrxistin ku bi dehan avahiyên li her du taxan sala 2016`an ji aliyê komên çeteyên dewleta Tirk a dagirker hatine topbarankirin.

(şx)

ANHA