Ji bo azadiya Rêber Ocalan çalakiya konvedanê

Tevgera Ciwanên Şoreşger ên Sûriyeyê û Yekitiya Jinên Ciwan ên Dêrazorê bi daxwaza pêkanîna azadiya fîzîkî ya Rêber Abdullah Ocalan, çalakiya konvedanê li dar xist.

NÛÇE

6 sibat, 2023 14:32

DÊRAZOR

Konê çalakiyan li qada Şaredariya Gel a bajaroka El Kesra hat danîn û şênî û endamên saziyên sivîl ên rojavayê Dêrazorê tevlî bûn.

Di bin kon de wêneyên Rêber Abdullah Ocalan û wêneyên şehîdan û pankertên bi nivîsên “Bi ruhê berxwedana zindanan em ê komployê pûç bikin û bi Rêber Abdullah Ocalan re azad bijîn” hatin daliqandin.

Endama Tevgera Ciwanên Şoreşger ên Sûriyeyê Rewda El Ewad di çalakiyê de axivî û kiryarên dewletên komploger li dijî Rêber Ocalan pêk tînin, şermezar kir.

Rewda bang li rêxistinên mafên mirovan û CPT`ê kir ku ji bo bidawîkirina tecrîda li ser Rêber Ocalan û pêkanîna azadiya wî ya fîzîkî bi lez tedbîran bigirin.

Hevseroka Herêma Rojavayê Dêrazorê Şeyma Şihab jî êrişên dewleta Tirk a dagirker ên li ser herêmê şermezar kirin û piştevaniya xwe bi Hêzên Sûriya Demokratîk re nîşan da.

Bi navê Meclisa Malbatên Şehîdan jî Wîsal Mihemed axivî. Wîsal daxwaza pêkanîna azadiya Rêber Abdullah Ocalan kir.

Tê payîn ku çalakiya konvedanê sibe jî dewam bike.

(cx)

ANHA