Kanada dê 23 hemwelatiyên xwe yên DAIŞ`î vegerîne

Hikumeta Kanadayê biryar da ku gelek hemlwelatiyên xwe yên DAIŞ`î ji kampên li Bakur û Rojhilatê Sûriyê vegerîne. Lê dema pêkanîna vê biryarê yan jî tedbîrên qanûnî ku dê der heqê jinan de bigire dema vegerin Kanadayê, diyar nekirin.

21 ÇILE, 2023 20:26

NAVENDA NÛÇEYAN

Beşa ku Kanada erê kiriye wê vegerîne, ji 6 jinan û 13 zarokên çeteyên DAIŞ`ê pêk tê. Ev beşa herî mezin e ku hikumeta Kanadayê vedigerîne.

Dadgeha Federal a Kanadayê perspektîf da hikumetê ku 4 welatiyên kanadayî, ji Bakur û Rojhilatê Sûriyê vegerîne ku Wezareta Karên Derve ya Kanadayê ji biryara vegterê îstîsna kiribûn.

Gerînendeya rêxistina Human Rights Watch (HRW) demeke berê eşkerekiribû gelek jin û zarok, name ji hikumeta Kanadayê wergirtine ku şert û mercên vegerê li wan derbasdar in. Rêxistinê eşkerekiribû ku 30 kanadayî hîna li kampên Bakur û Rojhilatê Sûriyê ne. Di nav de bi dehan zarok hene.

Rêveberiya Xweser a Bakur û Rojhilatê Sûriyê gelek caran bang li dewletan kir ku hemwelatiyên xwe yên DAIŞ`î ku li Bakur û Rojhilatê Sûiryê ne, vegerînin. Her wiha di gelek boneyan de hişyarî da ku ev kamp bi taybet a Holê, bombeyeke demkî ye û li ser cîhanê bi giştî xetere ye.

(şx)