′Em tecrîd û dualîteya navneteweyî şermezar dikin′

Beşdarên panela diyalogê tecrîda li dijî rêber Abdullah Ocalan û dualîteya navneteweyî ya li hember doza wî hatin şermezarkirin. Her wiha beşdaran banga zêdekirina çalakiyên ji bo pêkanîna azadiya fîzîkî ya rêber Ocalan kir.

NÛÇE

4 ÇILE, 2023 14:29

QAMIŞLO

Kongra Star a Til Birakê ya Qamişlo têkildarî tecrîda li dijî rêber Abdullah Ocalan paneleke diyalogê li dar xist, tê de endamên kongrê, saziyên sivîl, partiyên siyasî û meclisa navçeyê beşdar bûn.

Panel li navenda Çand û Hunerê ya Til Birakê hat lidarxistin, di serî de serokê nivîsgeha Desteya Olî ya navçeyê Ehmed Xelîl bixêrhatina beşdaran kir û keda şehîdan silav kir.

Xelîl teqezî bi girîngiya panelên wiha û bilindkirina asta têkoşînê ji bo pêkanîna azadiya fîzîkî ya rêber Ocalan kir.

Piştre, endamê Nivîsgeha Partiya Yekitiya Demokratîk (PYD) a navçeyê Ebdulhemîd El Fatimî hin nirxandinên rêber Ocalan xwendin.

Beşdaran tecrîda li dijî rêber Ocalan û dualîteya navneteweyî ya li hember doza wî şermezar kir û destnîşan kir ku xelasî û çareseriya krîzên Rojhilata Navîn di fikrê rêber Ocalan de ye, nexasim projeya neteweta demokratîk.

Her wiha beşdaran teqezî bi girîngiya berfirehkirina çalakiyan ji bo pêkanîna azadiya fîzîkî ya rêber Ocalan kir.

(mh)

ANHA