Rûspiyên Holê destekê didin Operasyona Birûska Cizîrê

Hêzên Sûriya Demokratîk (QSD) di 29′ê Kanûnê de bi piştgiriya Hêzên Ewlekariya Hundirîn a Bakur û Rojhilatê Sûriyê Operasyona Birûska Cizîrê da destpêkirin. Gel, bi taybet rûspiyên eşîrên Ereb, bi coşekê ev operasyon pêşwaz kir û destek dayê.

Têkildarî mijarê, rûspiyên eşîrên Ereb ên li navçeya Holê ya Hesekê bi daxuyaniyekê berxwedana QSD′ê pîroz kir û desteka xwe ji operasyonê re nîşan da.

Bi dehan şêx û rûspiyên navçeya Holê bi beşdariya rûspiyên eşîran ên Hesekê li pêş têketina aliyê rojava ya Holê kom bûn û daxuyaniyek da.

Rûspiyê eşîra El Sebeh a navçeya Holê Salim Melaş daxuyanî xwend. Di daxuyaniyê de ev hate gotin: "Em rûspî û şêxên eşîrên Holê destekê didin Operasyona Birûska Cizîrê ya ji bo têkbirina şaneyên çeteyên DAIŞ′ê li herêmê.

Bi xwesteka şêniyên Holê Operasyona Birûksa Cizîrê dest pê kir û em spasiya QSD′ê û Hêzên Ewlekariya Hunirîn ji ber destpêkirina vê operasyonê dikin."

Her wiha şêxê eşîra Xewatîne ya li Iraq û Sûriyê, Mehmûd Ebdulhemîd jî wiha got: "Em şêxên Holê û gundewarên wê vê operasyona ku li Holê, Til Hemîs û Til Birakê dest pê kiriye, pêşwaz dikin."

Ebdulhemîd got ew ji bo parastina destkefityên Şoreşa Bakur û Rojhilatê Sûriyê destekê didin QSD′ê û Hêzên Ewlekariya Hundirîn.

(fr)

ANHA