Şêniyên Eyn Îsa daxwaza azadiya fîzîkî ya Rêber Ocalan kir

Xwepêşandan ji aliyê Tevgera Ciwanên Şoreşger ên Sûriyê ve hat organîzekirin û bi sedan şêniyên navçeya Eyn Îsa û koçberên Girê Spî beşdarê bûn.

Gel ji Çarxerêya Dîspilîna Leşkerî dest bi xwepêşandanê kir û li cem Çarxerêya Şehîd Cûdî rawestiyan. Di xwepêşandanê de pankertên bi nivîsên “Azadiya Rêber Ocalan misogeriya azadiya gelan û kilîta çareseriya aloziya li herêmê ye” û wêneyên Rêber Ocalan hatin bilindkirin.

Li Çarxerêya Şehîd Cûdî, bi navê Tevgera Ciwanên Şoreşger ên Sûriyê şaxê herêma Firatê Mihemed Mehmûd axivî û tecrîda giran a li ser Rêber Ocalan şermezar kir.

Mehmûd diyar kir ku dewleta Tirk bi ferzkirina tecrîdê planên dewletên mêtînger û yên dijberî azadî û aştî pêk tîne.

Mehmûd destnîşan kir ku dewleta Tirk ji fikrên ku Rêber Ocalan ji bo rizgarkirina gelan daniye û pratîzekirina wî fikrî ditirse û got: “Em bi îdeolojî û fikrê rêberê enternasyonalîst xwe bi çek dikin. Em ê bi ruhê berxwedanê tecrîdê bişikînin û planên dijberî gelên Sûriyê vala derxin.”

Xwepêşandan bi dirûşmeyên mîna “Bê serok jiyan naba”bi dawî bû.

ANHA