​​​​​​​Bi pêşengiya ciwanan li djiî tecrîdê çalakî hat lidarxistin

Tevgera Ciwanên Şoreşger ên Sûriyê li bajarê Minbicê li dijî tecrîda li ser Rêber Abdullah Ocalan xwepêşandanek li dar xist.

Tevî endamên tevgerê, endamên Rêveberiya Sivîl a Demokratîk a Minbicê, nûnerên partiyên siyasî, rûspiyên eşîran, saziyên jinan û şêniyên herêmê beşdarî xwepêşandanê bûn.

Xwepêşandêrên ku wêneyên Rêber Ocalan, alên Tevgera Ciwanan û Yekitiya Jinên Ciwan û alên PKK`ê bilind kiribûn, ji Çerxerêya Mîzan heta Yarîgeha Beledî meşiyan.

Li yarîgehê endamê tevgerê Nasir Hesen axivî û berxwedana gerîla li Herêmên Parastinê yên Medyayê silav kir.

Hesen îşaret bi berxwedana gelê Bakur û Rojhilatê Sûriyê û berxwedana gerîlayên azadiyê kir û diyar kir ku gelê herêmê bi ruh û fikrê felsefeya Rêber Abdullah Ocalan yekdest e, ji lew re dewletên komploger hewl didin projeya li herêmê têk bibin û got: “Ev proje projeya mirovahiyê ya tevahî gelan e.”

Hesen destnîşan kir ku wek ciwan ew ê heta rizgarkirina tevahiya deverên Sûriyê yên dagirkirî û pêkanîna azadiya fîzîkî ya Rêber Ocalan têkoşînê bidomînin û xak û gelê xwe biparêzin.

(mh)

ANHA