Şandeyeke Katalonyayê serdana Kombenda Efrînê ya li Qamişlo kir

Şandeyeke Parlamentoya Katalonyayê bi serokatiya parlamenter Ruben Wagensberg, serdana Kombenda Efrînê ya li bajarê Qamişlo kir. Di hevdîtinê de şandeyê hezkirina xwe ji bo gelê Efrînê anîn ziman û got: “Em dê hewl bidin ku kiryar û zilma dewleta Tirk a li ser gelê Efrînê dane meşandin ji gelê xwe re bêjin.”

Şande ji aliyê meclisa Kombenda Efrînê ya bajarê Qamişlo ve hate pêşwazîkirin.

Di hevdîtinê de êrişên dewleta Tirk a dagirker ên li ser Efrînê û kiryarên dewleta Tirk a dagirker ku niha li ser şêniyên Efrînê tên meşandin û bêdengiya dewletên navnetewî hatin nîqaş kirin.

Li ser navê meclisê Îbrahîm Heftaro qala kiryarên dewleta Tirk a dagirker kir û got: “Çiqas dewleta Tirk kiryarên dij mirovahiyê li ser bajarê me Efrînê û xaka welatê me pêk bîne, em dê tu carî dev ji girêdana bi xaka xwe berdandin. Em dê di bin her şert û mercî de li ber xwe bidin û tê bikoşîn.”

Parlamenterê Katalonyayê Ruben Wagensberg  balkişand li ser  berxwedana gelê ji bajarê Efrînê koçber bûne û got: “ Em weke gelê Katalonyayê bi gelê Efrînê re ne û em dê van kiryarên dewleta Tirk ku li ser gelê Efrînê dana meşandin ji gelê xwe re bêjin.”

Parlamenterê Katalonyayê Ruben Wagensberg di dawiyê de keyfxweşiya xwe û got: “Serkeftin.”

(dg)

ANHA