Birîndarên Şer ên Şehbayê êriş şermezar kirin

Federasyona Birîndarên Şer a Şehbayê xwepêşandanek ji bo şermezarkirina êrişan li dar xist. Bi sedan koçberên Efrînê û şêniyên Kantona Şehbayê û bi dehan endamên sazî û desteyên Rêveberiya Xweseriya Demokratîk a Herêma Efrînê beşdar bûn.

Xwepêşandan ji aliyê Federasyona Gaziyên Şer ve li kampa Berxwedan a navçeya Fafînê hat lidarxistin.

Xwepêşandan ji çatrêya Fafîn-kampa Berxwedan ber bi kampê ve bi rê ket. Di xwepêşandanê de pankartên "Dewleta Tirk terorê pêk tîne û destekê didiyê", "Dewleta Tirk xaka me dagir dike, zarok û mezinên me qetil dike û Rûsya bê deng e" hildan.

Li qada kampê endamê Federasyona Birînarên Şer Cegerxwîn Efrîn axivî û wiha got: “Dewleta Tirk a dagirker ji bo qirkirina gelê herêmê hemû çekên qedexekirî bi kar tine,  li hember vê yekê jî Neteweyên Yekbûyî, Rûsya û civata navneteweyî bê deng in.”

Cegerxwîn wiha domand: “Em şer naxwazin, lê eger pêwîst be em ê canê xwe bikin qurban û li ber xwe bidin. Em Kurd tu carî serî natewînin, em ê heta dawiyê li ber xwe bidin û bi ser bikevin.”

Piştre, endama rêveber a Kongra Star Hêvî Silêman destnîşan kir ku Sûriyê bi giştî û herêmên Rojava bi taybet bûne qada ceribandina çekan li dijî gelê herêmê ji hêla dewleta Tirk a dagirker ve.

Xwepêşandan bi siloganên şermezarkirina dewleta Tirk a dagirkerû sûcên wê bi dawî bû.

(mh)

ANHA