Li Dêrazorê semînerên li ser roja 25′ê Mijdarê

Di semîneran de endamên komîteyên jinan, Nivîsgeha Kombûna Jinan a Zenbûiya, nûnerên ji saziyên sivîl, meclisên herêmê yên rojhilatê Dêrazorê amade bûn. endama Nivîsgeha Jinan a Partiya Sûriya Pêşerojê Henadî El Ehmed bixêrhatina hemû beşdaran kir û wiha got: "Bêyî hebûna jinê ne pêkan e civak azad bibe, ji ber jin hêmana bingehîna di her cih û demê de ye."

Hevserokê Meclisa Sivîl a rojhilatê Dêrazorê Zehre El Milhim jî da zanîn ku ne tenê sûcên tundiya li dijî jinan li Dêrazorê hene, lê belê li piran welatên cîhanê hene; li ser destê rejîma Îranê Jîna Emînî hate qetilkirin li ser destê dagirkeriya Tirk jî çalakger û siyasetmedar li Bakurê Kurdistanê tên girtin. Li pey van sûcan rejîmên siyasî hene ku hewl didin vîna jinan bişikînin.

Endama rêveber a Nivîsgeha Kombûna Jinan a Zenûbiya li rojhilatê Dêrazorê Muna El Uwêd vîna rasteqîn a jinan pîroz kir û got li gel jinan kilîtên hêzê û zanabûna xwerêvebirinê û rêvebirina civakê heye.

Semîner bi soza bilindkirina têkoşînê, zêdekirina hemle û semînerên ku civakê zana dikin, vekirina nivîsgehên taybet bi belavkirina pirtûkên li ser çawaniya sekna li hember tundiyê bi dawî bû.

Girêdayî mijarê, Komîteya Jinan a Meclisa Sivîl û Nivîsgeha Kombûna Jinan a Zenûbiya li Sorê yê bakurê Dêrazorê semînerek der barê 25′ê Mijdarê li dar xist.

Di semînerê de şêniyên bajarokê, rûsiyên eşîran, endamên komînan û nûnerên ji meclisên herêmê û saziyên sivîl amade bûn.

Dûre li ser navê Komîteya Jinan, Kombûna Jinên Zenûbiya, Meclisa Sivîl a bakurê Dêrazorê axaftinê hatin kirin, di axaftinan de girîngî bi xurtkirina jinan di tevahî aliyan de û bilindkirina têkoşîna li dijî zihniyeta baviksalarî  hate kirin.

(fr)

ANHA