Navenda Çand û Hunerê ya Til Birakê şevbuhêrkek li dar xist

Di şevbuhêrkê de nûnerên saziyên sivîl û leşkerî yên Til Birakê, partiyên siyasî, ciwanên şoreşger û bi dehan şêniyên navçeyê beşdar bûn.

Di destpêkê de hevseroka Navenda Çand û Hunerê ya navçeyê Ruba Siwêd bixêrhatina beşdaran kir û rola komîteyên çand û hunerê di vejandina folklor û kultûrê û piştgiriya behreyên ciwan de spas kir.

Di şevbuhêrkê de helbest ji aliyê helbestvanan Telal El Îsa, Hayil El Helûş, Tac Ereb û helbestvanê biçûk Mazin El Selac ve hatin xwendin. Mijarên helbestan li ser dayika kedkar, hezkirina welat û şopandina rêya şehîdan bûn.

Piştî wê herdu hunermend Teleb El Nazir û Rakan Xelîl bi amûra rebabe stran pêşandan.

Piştre, endama rêveber a Kongra Star a Til Birakê Elya Uwês bi peyamekê teqezî bi girîngiya çand û hunerê di civakê de û hevgirtina pêkhateyan kir.

Elya bal kişand ser yekitiya gelan û got: “Şêniyên Cizîrê yek in û kes nikare wan ji hev dûr bike.”

Paşê “Koma şehîd Dîlan” berhema xwe ya dîlanê pêşanda û şevbuhêrk bi gerandina xelekên govendê li ber stranên kurdî û erebî bi dawî bû.

(mh)

ANHA