MSD bi endamê Komîteya Têkiliyên Derve ya parlamentoya Awisturyayê re civiya

Li gorî malpera fermî ya MSDʹê, hevdîtinên wan ên li gel partî û komîteyên parlamentoya Awisturyayê berhemdar bû.

Hate gotin ku şandeya MSDʹê ji nêzik ve helwesta partiyên Awisturyayê û nêrîna wê ya ji bo çareseriya siyasî li Sûriyê û dozên ewlehî û siyasî yên Bakur û Rojhilatê Sûriyê nas kirin.

Hevdîtina dawî ya ku nûner û komîteyên MSDʹê li Awisturyayê pêk anîbû, bi endama Komîteya Têkiliyên Derve ya Parlamentoya Awisturyayê ya ji Partiya Kesk Eva Ernst Çîçek re bû. Hevdîtin ji aliyê hevserokê MSDʹê Riyad Derar û endamê nivîsgeha têkiliyan a MSDʹê Selah Ferho ve li avahiya parlamentoyê pêk hat.

Nivîsgeha Têkiliyan a MSDʹê di Îlona borî de bi berdevkê Partiya Gel a Awisturyayê (ÖVP) û endama Komîteya Têkiliyên Derve ya Parlamentoya Awisturyayê Martin Engelberg re hevdîtin pêk anîbû. Her wiha di 10’ê Cotmehê de bi endamê Komîteya Têkiliyên Derve ya Parlamentoya Awisturyayê û berdevkê partiya NEOS ya têkiliyên derve Helmut Brandstetter re hevdîtin pêk anîbû.

Endamê nivîsgeha têkiliyan a MSDʹê Selah Ferho diyar kir partî û nûnerên wan ên di parlamentoya Awisturyayê de piştgiriyê didin çareseriya siyasî û lihevkirina di navbera sûriyan de ya bêyî dûrxistina tu aliyan. Her wiha pesnê xebatên QSDʹê dan.

Partî û parlamenteran destwerdanên dewleta Tirk a dagirker û êrişên wê li dijî herêmên Sûriyê û gelê wê şermezar kirin.

Şandeya MSD’ê li ser azarên gelê Sûriyê û pêdiviya herêmê bi çareyên siyasî û giştî li gel hilweşîna lez û krîzên li pey hev yên ji ber dewama xitimîna siyasî, axivî.

Girêdayî mijarê, şandeya MSD’ê rewşên li Bakur û Rojhilatê sûriyê zirarên binesaziyan û pêwîstiya jinvetamîrkirinê û pêkanîna çareyên lezgîn ên krîza avê ku dewleta Tirk a dagirker û komên çete kontrol dikin û mehrûmkirina zêdetirî milyonek sûrî ji ava vexwarinê anîn ziman.

Hevserokê MSD’ê Riyad Derar diyar kir ku pêwîst e dosyaya DAIŞ’ê û girtiyên li gel Rêveberiya Xweser bi rêya dadgehên navneteweyî yên ji bo vê armancê werin avakirin, werin çareserkirin.

Şandeyê nêrîna xwe ya çareya siyasî û hewlên xwe yên ji bo çareserkirina krîza Sûriyê li gorî biryarên navneteweyî yên bi rêya diyaloga sûrî ya hundirîn û derxistina nêrîneke hevbeş pêşkêş kirin. Her wiha şandeyê da zanîn ku divê nûnerên MSD’ê di civînên taybet bi dosyaya Sûriyê ve beşdar bin û tu alî neyê bidûrxistin.

Ji bo rewşa Bakur û Rojhilatê Sûriyê û projeya Rêveberiya Xweser ji nêz ve were şopandin, parlamenter û partiyan xwest ku banga wan were bersivandin û serdana herêmê were kirin ku ji nêz ve rewşên meydanî û siyasî werin şopandin.