Beriya salvegera rizgarkirina bajarê xwe pîroz bikin, êrişên li dijî gerîla şermezar kirin

Bi hezaran şêniyên Reqayê li qada Meclisa Giştî ya bajêr kom bûn û wêneyên 17 şehîdên gerîla ku vê dawiyê di êrişên kîmyewî yên dewleta Tirk a dagirker de şehîd bûbûn, rakirin.

Ji bo ku balê bikişînin ser şerê qirkinê yê bi çekên kîmyewî yê ku dewleta Tirk a dagirker li dijî gerîlayan dimeşîne, bi dehan xwepêşdandêran cil û bergehên parastina ji çekên kîmyewî li xwe kirin.

Di xwepêşdanê de bênavber dirûşmeyên şermezarkirina dewleta Tirk a dagirker hatin berzkirin û xwepêşandêr ber bi Stada Beledî ve çûn ku salvegera 5’an a rizgarkirina bajarê Reqayê ji çeteyên DAIŞ`ê pîroz bikin.

Di pîrozbahiyê de bi hezaran şêniyên Reqa, şêx, rûspiyên eşîrên wê, şandeyên ji tevahî herêmên Bakur û Rojhilatê Sûriyê, şandeyeke ji Koalîsyona Navneteweyî û Meclisa Sûriya Demokratîk (MSD) beşdar bûn.

Pîrozbahî bi toraneke leşkerî ji hêla şervanên QSD’ê ve dest pê kir, dûre komîteya amadekar a pîrozbahiyê bixêrhatina beşdaran kir, spasiya şervanên QSD’ê kir û beşdar vexwend deqeyeke rêzgirtinê.

Tê payîn axaftin li ser navê Meclisa Leşkerî ya Reqa, Meclisa Sivîl a Reqayê, Meclisa Rêveber a Bakur û Rojhilatê Sûriyê, Kombûna Jinan a Zenûbiya û Meclisa Malbatên Şehîdan werin kirin.

(fr)

ANHA