​​​​​​​Ji 5`ê Îlonê ve navendên Reqayê rojane derdora 250 ton pembo werdigirin

Li Reqayê pembo piştî genim, hilberîneke stratejîk e ku gelek cotkar wê diçînin.

Şîrketa Pêşxistina Civaka Çandiniyê ya Reqayê, ji bo wergirtina hilberîna pembo ji cotkaran, navenda pembo li bakurê bajêr diyar kir.

Ji 5`ê Îlonê ve cotkarên Reqayê dest bi radestkirina berhemên xwe kir. Şîrketa Pêşxistina Çandiniyê rojane pembo ji 35 cotkaran werdigere.

Têkildarî vê mijarê hevserokê şîrketê Ehmed El Elî got: “Em vê berhemê werdgirin ji ber ku ji aliyê aborî ve stratejîk e. Her wiha destekê dide kargeha zeytê ya herêma Cizîrê.”

El Elî destnîşan kir ku li navenda pembo werdigrin û yekîneyên çandiniyê yên Reqayê ruxsetan didin cotkaran û got: “Wergirtin baş e û rojane 200-250 ton tê wergirtin.”

Gerînendeyê navenda pembo Fethî El Hesen jî got: “8 kesên ku li Hesekê hatin perwerdekirin, pembo ji cotkaran werdigirin, asta şiliyê di pembo de û cureya wê diyar dikin. Em ji saet 07:00`an heta 17:00`an pembo ji cotkaran werdigirin.”

Desteya Çandiniyê ya Rêveberiya Xweser nirxê kirîna kîloya pembo bi 4 hezar û 300 lîre diyar kiribû.

(dm)

ANHA