Pêkhateyên Dêrikê li dijî êrişên dagirkeriya Tirk banga yekitiyê kir

Îro şêniyên Dêrikê, herêmên Koçerat, Berav, partiyên siyasî û oldar li Qada Azadî ya bakurê rojhilatê bajarê Dêrikê kom bûn. Beşdaran li dijî êrişên dewleta Tirk a dagirker ku qanûnên navneteweyî binpê dike û bêdengiya civaka navneteweyî li hember êrişan, xwepêşandanek li dar xist.

Xwepêşandanê ji Qada Azadî dest pê kir û li kolanên şaxî yên bajêr dewam kir. Beşdaran dirûşmeyên "Bijî berxwedana QSD`ê, kujer Erdogan, bimire xiyanet" berz kirin. Her wiha wêneyên zarok û jinên di encama êrişên dewleta Tirk a dagirker de li herêmên Bakur û Rojhilatê Sûriyê şehîd bûne, rakirin.

Xwepêşandan li pêşiya Navenda Dicle ya Çand û Hunerê ya bajêr veguherî mitîngê. Li wir bi navê oldarên Dêrikê mela Yûsif Silêman axivî û li dijî êrişên dewleta Tirk a dagirker bang avakirina yekitiya gelan û parastina destkeftiyên şehîdan kir.

Yûsif Silêman bêdengiya civaka navneteweyî û rêxistinên mafên mirovan, rêxistinên hiqûqî û dewletên endamên Koalîsyona Navneteweyî û dewletên garantor li hemberî êrişên dewleta Tirk a dagirker û çeteyên wê yên li dijî gelê herêmê û binpêkirina pîroziya cihên olî, şermezar kir.

Silêman anî ziman ku cîhan deyndarê hêzên leşkerî yên herêmê û fedekariyên gelê Bakur û Rojhilatê Sûriyê ye û wiha axaftina xwe dewam kir: “Ji ber ku gelên herêmê di şerê li dijî çeteyên DAIŞ`ê yên li ser tevahî cîhanê xeterî bûn de bi hezaran şehîd da. Ruxmî vam berdêlan jî dewleta Tirk a faşîst gel û hêzên me dike armanc.”

Mitîng bi sloganên "Bijî berxwedana QSD" bi dawî bû.

(eh)

ANHA