Şêniyên Şedadê şehîdê Erka Xweparastinê Elî El Mislet oxir kir

Girseya gel li pêşiya Meclisa Malbatên Şehîdan a bajarê Hesekê kom bûn û bi karwanekî ji dehan erebeyan ber bi goristana şehîdan a navçeya Şedadê ve bi rê ketin.

Li goristanê, şervanên Erka Xweparastinê toraneke leşkerî pêşkêş kirin. Piştre endamê Meclisa Malbatên Şehîdan Ebdulmecîd Ebdullah axaftni kir. Ebdullah sersaxî da malbata şehîd û wiha axivî: “Şehîdên me di oxira azadî û rûmeta gelê Bakur û Rojhilatê Sûriyê de xwe feda kirin. Şehîd fermandarên me ne, em fedekariyên wan ji bîr nakin. Em soz didin ku heta pêkanîna serkeftinê em ê li ser şopa wan bin.”

Ji fermandarên Hêzên Erka Xweparastinê Ebdulhemîd Hesekê jî, ji bo şehadeta hevrêyê xwe Elî El Mislet sersaxî xwest û got: “Dewleta Tirk a dagirker bi balafirên bêmirov ên biçek û bi armanca têkbirina aramî û îstiqrara herêmê, her wiha ji bo têkbirina Rêveberiya Xweser ku bi keda pêkhateyên herêmê hatî avakirin, sivîl û leşkerên li Bakur û Rojhilatê Sûriyê hedef digire.”

Ebdulmecîd Hesekê di dawiya axaftina xwe de soza şopandina rêya şehîdan û bersivdayîna êrişên dagirkeriya Tirk ên li dijî Bakur û Rojhilatê Sûriyê da û destnîşan kir ku dewleta Tirk a dagirker ji bo tirsandina şêniyan, rêbazên qirêj bi kar tîne û got: “Lê ev rêbaz dê îsrara berxwedan û serkeftinê ya şervanên QSD`ê kêm neke.”

Piştî axaftinan wesîqeya şehadetê ji aliyê endamê Meclisa Malbatên Şehîdan Mecid El Dexîl ve hat xwendin û radestî malbatê hat kirin. Piştre cenazeyê şehîd di nav tilîliyên dayikan û dirûşmeyên dilsoziya bi şehîdan re hat veşartin.

(cx)

ANHA