Bi dirûşma “Azadiya rêber Ocalan azadiya gelan e” li Tebqayê çalakiyek hat lidarxistin

Di çalakiya ku li pêşiya Navenda Çand û Hunerê ya Tebqayê hatiye lidarxistin de, nûnerên Rêveberiya Sivîl a Demokratîk a Tebqa, partiyên siyasî, rûspiyên eşîran, Yekitiya Jinên Ciwan, Tevgera Ciwanên Şoreşger, nivîsgeh û komîteyên jinan, beşdar bûn.

Di destpêka çalakiyê de cîgirê Komîteya Çand û Hunerê, Musene Ebdulkerîm bi navê Însiyatîfa Sûriyê ya Azadiya Rêber Ocalan wiha axivî: “Em spasiya Komîteya Çand û Hunerê û Tevgera Mezopotamya ya Çand û Hunerê ya Tebqayê ji bo lidarxistina vê çalakiyê, dikin.”

Di çalakiyê de pirtûkên fikr û felsefeya rêber Ocalan hatin pêşandan, di nav de Menîfestoya Şaristaniya Demokratîk, Hûn nikarin roja me tarî bikin, Sîwan û Rojhilata Navîn, Alzoî û Çareseriya Demokratîk di civakat Rojhilata Navîn de û Neteweya Demokratîk hene.

Ebdulkerîm wiha domand: “Em çalakiyên wiha ku fikr û felsefeya rêber Ocalan û têkoşîna wî didin nasîn, binirx dibînin, ji ber ku rêber Ocalan jiyana xwe ji bo azadiya gelan, demokratiyê û aştiyê borandiye.”

Ebdulkerîm îşaret pê kir ku ev sê sal in parêzerên rêber Ocalan hevdîtin pê re nekirine, her wiha salek û 5 meh in peywendiya rêber Ocalan bi derve re qut e, cara dawî tenê 4 deqe bi rêya telefonê bi birayê xwe re axivî.

Ebdulkerîm wiha domand: “Divê em çalakiyên wiha zêdetir li dar bixin da ku em zextê li cîhanê bikin û tecrîdê têk bibin.”

Piştre, koma Botan, Yasmîn El-Tebqa, Rûken Hemê Tebqa stranên kurdî û erebî pêşandan.

Çalakî bi gerandina govendê û silavkirina berxwedana rêber Ocalan a li Îmraliyê dide bi dawî bû.

(mh)

ANHA