Komîteya Rêveberiya Dibistanên Dêrikê xwendekarên serkeftî xelat kirin

Komîteya Rêveberiya Dibistanan a Dêrikê ji bo 17 xwendekerên serkeftî şahiyek li dar xist.

NÛÇE

5 tîrmeh, 2022 14:40

QAMIŞLO

Xwendekarên serkeftî û malbatên wan li Navenda Saziya Zimanê Kurdî ya li navçeya Dêrikê kom bûn. Di şahiyê de Rêveberiya Navendê û mamosteyên Dêrik û gundên wê beşdar bûn.

Di şahiyê de endamê rêveber ê navendê Hawar Hesen xwenderên serkeftinî pîroz kir û hêvî kir ku serkeftin hertim para wan be.

Encamên xwendekarên serkeftinê wiha ne; Rama Mamo di refa 12 ya metaryala kurdî beşa zanyarî de rêjeya ji sedî 99.92. Rewad Delî di refa 9`an de rêjeya ji sedî 99.93 bi dest xist. Hela Hafiz Silêman di refa 12 a metaryala erebî beşa zanyarî de rêjeya ji sedî 94.35, Henan Silêman El-Hemîd di refa 9 a metaryala erebî de bi rêjeya ji sedî 98.21 bi dest xist.

Di dawiya şahiyê de xelat li 17 xwendekarên serkeftî hatin belavkirin di nav de 6 di refa 9 de û 11 di refa 12 de ne.

Li herêma Cizîrê, pergala xwendinê li gorî rêgezên neteweya demokratîk û zimanên pêkhateyên herêmê, ava dibe.

(şx)

ANHA