Li Qamişlo şehîd Zîlan Destan hate bibîranîn

Tevgera Komunîst a Şoreşgerî, Tevgera Ciwanên Komunîst a Şoreşger û Tevgera Jinên Komunîsta Şoreşger bi merasîmekê şehîd Zîlan Destan di salvegera yekemîn a şehadeta wê ya yekmîn de bi bîr anî.

NÛÇE

13 hezîran, 2022 19:46

QAMIŞLO

Di merasîma bîranînê de nûnerên partiyên siyasî, endamên navenda Mihemed Şêxo ya Çand û Hunerê, endamên Tevgera Komunîst a Şoreşger, Ciwanên Komunîst ên Şoreşger û Jinên Komunîst ên Şoreşger amade bûn.

Di destpêka merasîmê de endama Ciwanên Komunîst ên Şoreşger Destan Serhet behsa jiyana şehîd Zîlan Destan kir û got: “Şehîd Zîlan Destan bûye sembola berxwedanê.”

Piştre, endamê Partiya Yekitiya Demokratîk (PYD) Mesûd Dawûd axivî û got: “Hertim dê serkeftin para me be, divê em li ser şopa şehîdan bin ji bo em armancên wan pêk bînin.”

Mesûd Dawûd wiha berdewam kir: “Di roja me ya îro de ku em şehadeta şehîd Zîlan bi bîr tînin, êrişên bênavber tên ser gelên herêmê.”

Dawûd teqez kir ku divê astên têkoşînê bilind bibin ji bo azadî pêk were.

Piştre, sînevizyonek hate pêşendan ku tê de stranek li ser şehîd Zîlan Destan hebû. Paşê Koma Şehîd Zîlan çend stranên şoreşgerî gotin.

Her wiha di merasîmê de navenda Çand û Hunerê ya Şehîd Zîlan Destan ji aliyê endamên Tevgera Komunîst a Şoreşger Eylûl Baran û Cîhan Ehmed ve hate vekirin.

Şehîd Zîlan Destan yek ji damezrînerên Tevgera Komunîst a Şoreşger bû ku di 13’ê Hezîrana 2021’an de dema erka xwe pêk dianî şehîd bû.

(mh)

ANHA