Li Hesekê meşa ji bo piştgiriya berxwedana gerîla

Tevgera Ciwanên Şoreşger a Sûriyê bi koordîneya Tevgera Çand û Hunerê ya bajarê Hesekê --ûvbi diruşmeya "Li dijî dagirkerî û xiyanetê werin cenga azadiyê" meşeke girseyî liVdar xist. Bi hezaran şêniyên kantona Hesekê tevlî meşê bûn.

Beşdaran alên Kongra Star û Tevgera Ciwanên Şoreşger a Sûriyê her wiha pankartên "Bi vîna gelan û gerîla em ê dagirkerî û xiyanetê têk bibin" hildan.

 Meş ji çarxerêya Hemame dest pê kir, li nava kolanên taxa Miftî geriya heta ku gihişte navenda Çand û Hunerê ya li nava taxa Miftî.

Piştî kêliya rêzgirtinê, endamê rêveber ê Tevgera Çand û Hunerê Ednan Îbrahîm axivî û got: "Dewleta Tirk a dagirker bi rêya êrişên li ser herêmê dixwaze sînaryoya Osmanî dubare bike, ew ji bo têkbirina hebûna me çeteyan bi kar tîne."

Endamê Rêveber ê  Tevgera Ciwanên Şoreşger a Sûriyê Qehreman Hesekê jî axivî û got: "Em ê weke ciwan li dijî Erdogan û hemû êrişên li ser hêzên me yên li çiya û her devereke din bisekinin û hewldanên Erdogan dê bi bin bikevin. Em li vir dijîn, lê dil û ruhê me bi hêzên gerîla yên li Zap, Metîna û Avaşînê re ye."

Di dawiya meşê de, koma Tolhildan a girêdayî navenda Çand û Hunerê ya Hesekê stranên folklorî gotin, şêniyan jî govend gerandin.

(şt)

ANHA