Di civîna Komîteya Sazkirina Peyamana de pêşniyarên gel

Îro duyemîn civîna Komîteya Sazkirina Peymana Civakî ya Bakur û Rojhilatê Sûriyê bi endamên meclis û saziyên civakî yên kantona Hesekê re hate lidarxistin. Civîn li hola Reşo ya bajarê Hesekê lidarxistin. Endamên komîteyê  Aldar Xelîl, Ekrem Mehşûş û Corcêt Bersûm beşdarî civînê bûn.

Di civînê de 99 bendên peymana civakî hatin xwendin û şîrovekirin. Hevserok û endamên meclis û komên taxên bajarê Hesekê, peyman nirxandin û pêşniyarên xwe anîn ziman ku dê bi rêya raporeke ji komîteyê re were şandin.

Ji pêşniyaran, rêjeya nûnerên pêkhateyên etnîk, olî û baweriyan di meclisên gel ên demokratîk ên herêma Bakur û Rojhilatê Sûriyê de were kêmkirin û rêjeya nûnertiya jin ku zêdetirî ji sedî 50 e, were zêdekirin.

Li gorî madeya 75'an a peymana civakî ku hîna tê sazkirin, rêjeya nûneratiyê di kantonê de ku dighêje ji sedî 60 ji aliyê gel ve tên hilbijartin û ji sedî 40 ji pêkhateyên etnîkî, olî û bawerî ye. Her wiha li gorî madeya 76, nûneratiya jinan di meclisên gel de ji sedî 50'î ye.

Nûnerê Rêveberiya Enerjiyê Salih Hesen got: "Di civînê de nêrîna me li ser hin bendên girêdayî nûnertiya pêkhateyan di nav de Kurd, mafên wan ên siyasî û çandî û asta misogeriya mafên her kesî di peymanê de, çêbû."

Hevserokê Komîteya Sotemeniyê Îbrahîm Hisên jî ev tişt anî ziman: "Hemû pêşniyar li gel endamên komîteyê hatin nivîsandin dê û ji civîna komîteyê ya bê re werin şandin da ku werin nirxandin û li gorî wan guhertin were çêkirin beriya ku peyman di rêbazê xwe ya dawî de were pêşkêşkirin."

Tê payîn ku civîna sêyemîn a komîteya peymana civakî li kantona Hesekê dê li herêma başûr a kantonê were lidarxistin.

(bx)

ANHA