Li Dêrazorê bi boneya 4'ê Nîsanê dar hatin çandin

Bi boneya 4'ê Nîsanê rojbûna rêber Abdullah Ocalan, MSD'ê pêngava çandina daran li gundewarê Dêrazorê da destpêkirin.

NÛÇE

4 nîsan, 2022 15:36

DÊRAZOR

Çalakiyên bi boneya rojbûna rêber Abdullah Ocalan berdewam dikin.

Meclisa Sûriya Demokratîk (MSD), li Dêrazorê pêngaveke çandina daran da destpêkirin. Pêngav bi beşdarbûna nûnerên meclisên sivîl û siyasî ji qada Meclisa Sivîl a Herêma Sebia Kîlo dest pê kir. Di çarçoveyê de gelek dar hatin çandin.

Di dawiyê de beşdarên pêngavê li ber avahiya Meclisa Sivîl a Dêrazorê daxuyanî da. Endamê Meclisa Partiya Sûriya Pêşerojê Ebdurehman Dixêvîc daxuyanî xwend.

Di daxuyaniyê de rojbûna rêber Abdullah Ocalan li gelên bindest, gelên Bakur û Rojhilatê Sûriyê hate pîrozkirin û wiha hate gotin: "Bi qasî rêber Ocalan me tu kes nedîtiye ku analîzên kûr li ser azarên mirovahiyê pêşkêş kiriye. Rêbertî di dilê gelên bindest ê azadxwaz de hêvî çand û azadiyê wekî milkê tevahî mirovahiyê dibîne."

Di dawiya çalakiyê de diruşmeyên banga azadiya rêber Ocalan hatin berzkirin.

ANHA