MSD’ê têgeha "nenavendî" û pêşniyarên li ser pêşeroja Sûriyê nîqaş kirin

Meclisa Serokatiya Meclisa Sûriya Demokratîk (MSD)  civînek li dar xist, tê de dîroka damezrandina dewleta Sûriyê, kokên nenavendî li Sûriyê, destûrên li welat, bendên girêdayî teşeya dewlet û pergala birêvebirina wê nîqaş kirin.

Di civînê de belgeya xebatê hate nîqaşkirin, tê de model û tecrûbeyên pratîk ên nenavendîbûnê li ser astên herêm û navneteweyî heye, her wiha pêdiviyên pêkanîna pergala nenavendîbûnê ku ferd ji desthilat an jî dîkatoriyê diparêze ku dane û hêza dewletê keysbaz neke, hate nîqaşkirin.

Têkildarî wê, partî û pêkhateyên siyasî belge û pêşniyarên li ser têgeha nenavendîbûnê, sazkirin û teşeya guncaw ji bo xwezaya Sûriyê ya pirrengî pêşkêşî meclisê kirin. Di heman demê de endamên meclisê bal kişand ser nebaşiya pergala navendî ku biryarên pêkhate û xêr û bêrên welat keysbaz dike, bêyî ku raya giştî berçav bigire.

Gelek partî û hêzên Sûriyê di rêvebirina pêşeroja welat de xwe dispêrin rêgeza navendîbûnê, lê belê li ser sazkirin û teşeyeke guncaw li hev nekir. MSD’ê da zanîn ku çareserya guncaw ji Sûriyê re pergala nenavendî ya demokratîk a pirrengî ye ku yekitî û serweriya welat diparêze."

Çavkanî: Nivîsgeha Ragihandinê ya MSD'ê.

(fr)