​​​​​​​Ji ciwanên PYD'ê pêngava "Civaka paqij welatê paqij ava dike"

Endamên Meclisa Ciwanên Partiya Yekitiya Demokratîk (PYD) ya Qamişlo li hev kom bûn û bi daxuyaniyekê pêngaveke ji bo paqijê ragihand.

Di daxuyaniyê de wiha hate gotin: "

"Wekî tê zanîn bi armanca pêşxistin û serxistina Şoreşa Çandî ya Apoyî ku li Rojavayê Kurdistan û Bakur-Rojhilatê Sûriyê deng vedide, ji bo tevahî gelên bindest û berxwedêr dibe hêvî, xwe gihiştina  azad û demokratîk jiyankirinê. Di her alî de li dijî polîtîka û kiryarên dagirkeriya pergala kapîtalîst, rêya alternatîf çareseriya  demokratîk nîşan dide. Bi salane têkoşîna ku li dijî talankirina xweza û hawirdor û xerakirina jiyana civakî tê dayîn ji bo me dibe mîrateyek. Gelek tecrûbe û zanebûnên rast ê jiyankirinê pêşketine. Ji bo derbasbûna merhaleya jiyana paqij, civaka paqij û welatekî ku paqij dibe ev dibe firsendek. Derfetên pir mezin hene ku em bikaribin xwe ji qirêji û gemariyên pergala kapîtalist xelas bikin. Fikir û felsefeya ku Rêbêr Apo pêşxistiye ji bo serxistina vana têra xwe rê û rêbazên çareseriyên bingehîn dide. Bi taybet wek xeta pêşeng a ciwantî bi erk û berpirsiyariyên wijdanî û exlaqî em dikarin ji vê re bibin bersiv. Pergala kapîtalist bi taybet li dijî jîngeh û hawirdorê bi armanca berjewendî û karên herî zêde xerakirin, talankirin û qirejkirinê çêdike. Xwezaya ku mirov hembêz dike, xwedî dike û diparêze, wisa lê hatiye ku ji ber qirêjî û gemariyên vê pergalê nikare xwe bike malvanî. Cihê jiyana fereh û xweşik ji holê tê rakirin. Her tişt dixin ji bo berjewendî xwe. Bi çavnebarî û têr nexwariyê li ser civak û xweza êrişên  hov ê talan û xerakirinê tên pêşxistin. 

Bi zanebûn û hişmendiya Şoreşa Çandî ya Apoyî li dijî vana xwe rêxistinkirin û jiyana bi xweza û hawirdor li hevkirî avakirin erkê me yê demê ye. Li ser van esasan em hemleya parastina xweza û jiyana civakî ya ‘’CIVAKA PAQIJ WELATÊ PAQIJ AVA DIKE’’ radigihînin. Em bang li hemû ciwan û gelê xwe dikin tev li vê hemlê bibin da kû em jiyana civakî û xwezaya xwe biparêzin."

ANHA