Li Hesekê ji bo 4 cangoriyên azadiyê merasîmek hat lidarxistin

Bi sedan şêniyên kantona Hesekê şervanê QSD'ê Ebdulmecîd Îbrahîm (Rustem Berxwdan) û şervanê Tabûra Şehîd Nûbar Ozanyan a Ermenî ya girêdayî QSD'ê Ehmed El-Xedban (Oskan) ên di êrişên provakatîv ên hêzên hikumeta Şamê yên li ser li Til Temirê de şehîd bûne bi merasîmekê li goristana Şehîd Dijwar a bajarê Hesekê oxir kirin.

Mersîm bi deqeyeke rêzgirtin dest pê kir û ji aliyê şervanên QSD û YPJ'ê ve toraneke leşkerî hate lidarxistin. Bi navê Meclisa Melbatên Şehîdan a Hesekê Beraa El-Salih axivî û got: "Şehîd mişaleya ku rêya azadiyê ronî dikin e. Em soz didin ku em ê rêya wan bişopînin heta ku bighêjin azadî û demokrasiyê ."

Ji fermandarên Meclisa Leşkerî ya Til Temirê Çîçek Zagros şehîdên azadiyê bi bîr anîn û diyar kir ku bi saya fedekariyên şehîdan destkeftiyên şoreşa Rojava hatin parastin.

Çîçek Zagros diyar kir ku erka hemûyan e ku rûmet û deskeftiyên gelan biparêzin. Her wiha soza şopandina rêya şehîdan ta rizgarkirina herêmên dagirkirî da.

Endama Meclisa Malbatên Şehîdan Rojda Ehmed nasnameya şehîdan xwend û radestî malbatên wan kir.

Di merasîmê de nasnameyê şervanê QSD'ê Mahir Xilêf (Masîro Hesekê) û endamê Hêzên Ewlekariya Hundirîn Ebdullah Elawî Ebdo ku di Pêngava Gurzê Gelan de şehîd bûn hata ragihandin.

Di dawiyê de  cenazeyê şehîd Rustem Berxwdan û Oskan bi karwanekî ber bi Til Temirê ve hate şandin da ku li wir werin veşartin.

ANHA