Bi armanca şermezarkirina komploya 15`ê Sibatê rêzeçalakî hatin lidarxistin

Şêniyên Bakur û Rojhilatê Sûriyê bi armanca şermezarkirina komploya navneteweyî ya li dijî rêber Abdullah Ocalan rêzeçalakî li dar xist.

NÛÇE

13 sibat, 2022 13:50

NAVENDA NÛÇEYAN

Îro bi armanca şermezarkirina komploya 15`ê Sibatê rêzeçalakî hatin lidarxistin.

QAMIŞLO

Çalakiya konvedanê ya ku Desteya Ciwan û Werzîşê ya herêma Cizîrê beriya du rojan bi armanca şermezarkirina komploya navneteweyî li rex stada 12`ê Adarê li Qamişloyê bi dirûşma “Werin Cenga Azadiyê, 15`ê Sibatê hiweşe” li dar xistibû bi daxuyaniyekê bi dawî bû. Îro bi sedan şêniyên Qamişlo û endamên saziyên sivîl tev li çalakiyê bûn.

Di daxuyaniyê de desteyê destnîşan kir ku hêzên komploger bi rêya komployê armanc kirin ku fikrê demokratîk, gelê kurd û Tevgereya Azadiyê tune bikin.

Desteyê di daxuyaniyê de komploya navneteweyî şermezar kir û soza azadkirina rêber Abdullah Ocalan û binxistina pergala AKP`ê da.

AMÛDÊ

Bi heman mabestî Meclisa Navçeya Amûdê bi koordîneya Kongra Star, Partiya Yekitiya Demokratîk (PYD) civînek li Navenda Çand û Hunerê ya navçeyê li dar xist. Bi dehan endamên saziyên civaka sivîl, partî û endamên Kongra Star tê de hazir bûn.

Di civînê de hevserokê Meclisa Navçeya Amûdê Selman Cuan axivî û pêwîstiya mezinkirina têkoşînê heta pêkanîna azadiya fîzîkî ya rêber Abdullah Ocalan destnîşan kir û got: “Dewletên Komploger nikarin fikr û felsefeya rêber Abdullah Ocalan ji gelên azadîxwaz dûr bixin.”

Piştre perspektîfên rêber Abdullah Ocalan ên têkildarî komploya navneteweyî hatin xwendin û wêneyên rêber Abdullah Ocalan hatin pêşendan.

GIRKÊ LEGÊ

Li Girkê Legê di heman çarçoveyê de Meclisa Malbatên Şehîdan sînevizyonek têkildarî komploya navneteweyî ya li dijî rêber Abdullah Ocalan pêşenda.

Sandîkayên Karkeran a Rimêlanê û bi dehan malbatên şehîdan tev li wê bûn.

Piştî bidawîbûna sînevizyonê beşdaran berxwedana rêber Abdullah Ocalan li girtîgeha Îmraliyê silav kir.

DIRBÊSIYÊ

Meclisa Jinan a Malbatên Şehîdan a Bakur û Rojhilatê Sûriyê li navçeya Dirbêsiyê daxuyanî da. Di daxuyaniyê de meclisê banga azadkirina rêber Abdullah Ocalan kir.

Endama Meclisa Malbatên Şehîdan Fatme Keleş daxuyanî xwend. Bi dehan endamên meclisê û jin beşdarî xwendina daxuyaniyê bûn.

Di daxuyaniyê de meclisê komploya navneteweyî ya li dijî rêber Abdullah Ocalan şermezar kir û bi navê roja reş bi nav kir.

Her wiha meclisê daxuyand ku dîlgirtina rêber Abdullah Ocalan û doza neteweya demokratîk ji xebatên pêşîn ên meclisê ne. Meclisê destnîşan kir ku ji mafê gelan ne ku çarenûsa xwe bi xwe diyar bikin û divê cîhan vê rastiyê nas bike.

Meclisê di dawiya daxuyaniya xwe de bang li aliyên siyasî, civakî û rêxistinên mirovî kir ku ji bo pêkanîna azadiya fîzîkî ya rêber Abdullah Ocalan têkoşînê mezin bikin. Meclisê soza şopandina fikr û felsefeya rêber Abdullah Ocalan da.

REQA

Li Reqayê girêdayî heman mijarê Nivîgeha Kombûna Jinan a Zenûbyayê pêşangeha pirtûkên rêber Abdullah Ocalan li dar xist.

Di pêşangehê de parêzname, pirtûk û perspektîfên rêber Abdullah Ocalan ên têkildar Jinelojî, Rastiya Kurdî, Taybetmendiyên Têkoşerê Şoreşger, Menîfestoya Şaristaniya Demokratîk, Jin, Malbat, Azadiya te û azadiya min hatin pêşandan.

Gelek jin û rewşenbîr serdana pêşangehê kir.

Li gorî berpirsan, pêşangeh dê heta vê êvarê berdewam bike.

(şx)

ANHA