​​​​​​​Kongreya TEV-DEM`ê li Rimêlanê dest pê kir

400 delege, nûnerên Rêveberiya Xweser a Bakur û Rojhilatê Sûriyê, meclisên malbatên şehîdan ên herêma Cizîrê, partî, Hêzên Sûriya Demokratîk (QSD), Meclisa Rûspiyan ên Ereb û Kurd, rêxistinên ciwan û jinan û rêxistinên civaka sivîl beşdarî kongreyê bûne.

Li gorî bernameya kongreyê, dê bi nav hevserokatiya Tevgera Civaka Demokratîk (TEV-DEM), Rêveberiya Xweser, Meclisa Malbatên Şehîdan, Kongra Star û QSD`ê axaftin werin kirin.

Tê payîn ku perspektîfên rêber Abdullah Ocalan ên têkildarî civaka demokratîk, rapora rêxistinî ya 3 salan werin xwendin. Her wiha dê rêziknameya tevgerê were nîqaşkirin û bikeve dengdayînê, piştre dê hevserokatiya tevgerê û Meclisa Giştî ya tevgerê werin hilbijartin.

3`yemîn Kongreya TEV-DEM`ê di 27`ê Tebaxa 2018`an de li dar ketibû.

(şx)

ANHA

<iframe width="676" height="380" src="https://www.youtube.com/embed/ovpau0QY8h0" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>