Hêzên Ewlekariya Hundirîn bang li welatiyan kir li gorî qedexeyê tev bigerin

Têkildarî mijarê Fermandariya Giştî ya Hêzên Ewelekariya Hundirîn a Bakur û Rojhilatê Sûriyê daxuyaniyek da.

Di daxuyaniyê de wiha hate gotin:

"Beriya çend rojan li Hesekê êrişeke terorîstane pêk hat û girtîgeha Sînaa ya Hesekê ku girtiyên DAIŞ`ê lê hene, kir hedef. Lê bi saya fedekariya hêzên me û QSD`ê rewşa hate kontrolkirin, di heman demê de hêzên me lêgerîna li ser şaneyên veşartî yên mayî berdewam dikin. Ji ber gefan li ewlehî û îstiqrarê dixwin û xeteriyê li ser jiyana sivîlên ji ber tirsa terora van şaneyan ji malên xwe derketine, çêdike.

Li ser vê yekê em bang li gelê xwe y li bajar û herêmên Bakur û Rojhilatê Sûriyê dikin ku li gorî qedexeya beşî tev bigerin û ji bo gelê me yê bajarê Hesekê jî, divê li gorî qedexeya giştî ya ku Desteya Hundirîn a Bakur û Rojhilatê Sûriyê ragihandiye, tev bigerin. Li aliyekî din ruxmî ku hêzên me bi hemû derfetên xwe operasyonên lêgerîna li terorîstan berdewam dike û jiyaneke biewle û îstiqrar peyda dike, lê divê gelê me hişyar be û dema rewşên biguman bibînin, yekser agahiyê bibin."

(eh)

ANHA